الاطفال ماذا قالو عن الحب؟
هذه تعليقات من أطفال وهي واقعية وليست من نسج الخيال أو التأليف...
((لطيفه تسع سنوات)) تقول:
محد يعرف وشو سبب الحب ..بس انا سمعت مره انه للحب علاقه مباشره بحاسة الشم ..حسب كذا نلاقي العطورات ومزيلات العرق منتشره كثير!!!
((ناصر خمس سنوات)) يقول:
بدور لنفسي على بنت تحبني واحبها, اول ما اتخرج من الروضه ((عاش خطير))
((محمد سبع سنوات)) يقول:
أحس بصداع لما أفكر في الحب , فانا توني طفل صغير ما أقدر اتحمل هذا الشي
((نوف ثمان سنوات)) تقول:
ما بقدر اتورط في الحب حاليا ..خبركم دراستي تضيع كل وقتي وتفكيري
((هنادي تسع سنوات)) تقول:
مابي احب ..لانه معناته لازم اتزوج ..والزواج معناته ولاده اطفال ..والاطفال معناتها لازم نغير حفاظاتهم وانا ما بحب اسوي هالشي المقرف<<<عجبتني هذي
((هيا تسع سنوات)) تقول:
الحب هو شكل من اشكال الدلاخه .. الا اني لازم أجربه بالمستقبل عشان أتأكد بنفسي !
(قمه اللقافه)
((فيصل ست سنوات)) يقول
الحب اهم شي بالعالم ..بس الأيس كريم أهم !!
((نوره ثمان سنوات)) تقول:
الشي المشترك بين أمي وأبوي هو انهم ما يبون يجيبون بزران..واي شي ثاني فهم يتهاوشون عليه
((حصه عشر سنوات)) تقول:
أقدر احدد اذا كان الرجال والحرمه إللي بالسياره متزوجين ولا لأ ..فاذا كانوا قاعدين بالسياره مع بعض وما يتكلمون ولا كلمه فهم اكيد متزوجين !!
((عبدالله ثمان سنوات)) يقول
اذا تبي تخلي البنت تحبك .. قلها انك صاحب شركات كبيرة!!
((فهد ست سنوات )) يقول:
ما أعتقد ان هناك سن مناسب للزواج ..وهذا لاني أشوف ان الزواج غباااااء ودلاخه كبيره
((منيره سبع سنوات)) تقول:
لازم على الزوج انه يجامل زوجته على طول ..ويقولها انها رشيقه حتى لو كانت تشبه الفيل!
((سامي ثمان سنوات)) يقول:
لازم ان الزوج ما ينسى اسم زوجته ابدا ..لانه هذا ممكن يؤدي لخلق مشاكل هو في غنى عنها
